ກອງປະຊຸມໃຫຍ່ ຄັ້ງທີ V ຂອງສະມາຄົມ ນັກປະພັນລາວ

ວັນທີ 10 ກຸມພາ 2016 ນີ້, ທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ ທ່ານ ນາງ ຜິວ ລາວັນ ຫຼວງວັນນາ ຮັກສາການປະທານສະມາຄົມນັກປະພັນລາວ ໄດ້ລາຍ ງານວ່າ: 5 ປີຜ່ານ ມາຄະນະບໍລິຫານງານສະມາ ຄົມນັກປະພັນລາວ ໄດ້ມີການ ເຄື່ອນໄຫວຫຼາຍຢ່າງ ໃນການ ຊຸກຍູ້ການປະດິດແຕ່ງວັນນະຄະດີ, ໃນນັ້ນ ໄດ້ມີການເຄື່ອນ ໄຫວວຽກງານທີ່ສຳຄັນ ເປັນ ຕົ້ນໄດ້ຈັດຕັ້ງບັ້ນກວດສອບ ຂຽນເລື່ອງສັ້ນ, ເລື່ອງບັນທຶກ, ເລື່ອງຍາວ, ນະວະນິຍາຍ ແລະ ກະວີ ໄດ້ 12 ຄັ້ງພາຍໃຕ້ ຫົວຂໍ້ຕ່າງໆ, ພິມປື້ມເລື່ອງສັ້ນ, ກະວີ, ນະວະນິຍາຍ, ເລື່ອງບັນທຶກ ອື່ນໆຂອງນັກປະພັນ ພິມຢູ່ສຳ ນັກພິມນັກປະພັນ ແລະ ສຳນັກພິມອື່ນໆຈຳນວນ 22 ເຫຼັ້ມ (40.000 ຫົວ), ໄດ້ເປັນເຈົ້າ ພາບຈັດກອງປະຊຸມມອບລາງວັນ ວັນນະກຳແມ່ນ້ຳຂອງ 6 ປະເທດ 2 ຄັ້ງ ທີ່ນະຄອນຫຼວງ ວຽງຈັນ, ປະຈຸບັນສະມາຄົມ ມີສະມາຊິກທັງໝົດ 109 ຄົນ ໃນ 5 ປີຜ່ານມາ ໄດ້ຮັບສະມາ ຊິກເພີ່ມ 45 ຄົນ.
ກອງປະຊຸມຄັ້ງນີ້ ໄດ້ເປັນເອກະສັນເລືອກເອົາ ທ່ານ ທອງໃບ ໂພທິສານ ເປັນ ປະທານຄະນະບໍລິຫານງານ ສະມາຄົມນັກປະພັນລາວ, ທ່ານ ນາງ ຜິວລາວັນ ຫຼວງວັນນາ ເປັນຮອງປະທານສະມາຄົມ ທັງເປັນປະທານກວດກາ, ທ່ານ ສຸບັນ ຫຼວງລາດ ເປັນ ຮອງປະທານ ທັງເປັນເລຂາທິ ການສະມາຄົມນັກປະພັນລາວ

CRI