ກອງປະຊຸມສຸດຍອດອາຊຽນ ຄັ້ງທີ 30 ແລະ ກອງປະຊຸມພົບປະອື່ນໆ

ກອງປະຊຸມສຸດຍອດອາຊຽນ ຄັ້ງທີ 30 ແລະ ກອງປະຊຸມພົບປະອື່ນໆ   

    ໃນຕອນເຊົ້າຂອງວັນທີ 29 ເມສາຜ່ານມານີ້ ພະນະທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍພັນລະຍາ ແລະ ຄະນະ ໄດ້ເຂົ້າຮ່ວມພິທີໄຂກອງປະຊຸມສຸດຍອດອາຊຽນ ຄັ້ງທີ 30 ພາຍໃຕ້ຄຳຂວັນ: "ຮ່ວມມືເພື່ອການປ່ຽນແປງ, ຜູກພັນກັບສາກົນ" ໂດຍການເປັນເຈົ້າພາບ ແລະ ປະທານຂອງຟີລິບປິນ ຊຶ່ງມີບັນດາປະມຸກລັດ, ຫົວໜ້າລັດຖະບານ ປະເທດອາຊຽນ, ລັດຖະມົນຕີ ຕ່າງປະເທດອາຊຽນ ແລະ ແຂກຖືກເຊີນເຂົ້າຮ່ວມ. ພາຍຫຼັງພິທີໄຂກອງປະ ຊຸມສຸດຍອດອາຊຽນ ຄັ້ງທີ 30, ພະນະທ່ານນາຍົກລັດ ຖະມົນຕີພ້ອມດ້ວຍຄະນະ ກໍໄດ້ສືບຕໍ່ເຂົ້າຮ່ວມກອງປະ ຊຸມສຸດຍອດອາຊຽນ ຄັ້ງທີ 30 ແບບຄົບຄະນະ. ໃນນີ້ ຜູ້ ນຳອາຊຽນ ໄດ້ປຶກສາຫາລື ແລະ ທົບທວນຄືນກ່ຽວກັບ ການຈັດຕັ້ງປະຕິບັດວິໄສທັດ ປະຊາຄົມອາຊຽນ 2025 ກໍຄື ບັນດາແຜນແມ່ບົດສຳລັບສາມ ເສົາຄ້ຳປະຊາຄົມອາຊຽນ, ແຜນວຽກຂໍ້ລິເລີ່ມ ເພື່ອການ ເຊື່ອມໂຍງອາຊຽນ ສະບັບທີ 3 ແລະ ແຜນແມ່ບົດເພື່ອການ ເຊື່ອມຈອດອາຊຽນ 2025 ຊຶ່ງເຫັນວ່າມີຄວາມຄືບໜ້າ ແລະ ປຶກສາຫາລືກ່ຽວກັບທິດ ທາງໃນຕໍ່ໜ້າ ເພື່ອຮັດແໜ້ນ ປະຊາຄົມອາຊຽນ ໂດຍໄດ້ຊຸກ ຍູ້ໃຫ້ທຸກຂະແໜງການອາຊຽນ ສືບຕໍ່ຈັດຕັ້ງປະຕິບັດບັນດາ ແຜນແມ່ບົດ ແລະ ແຜນວຽກ ຂອງຕົນໃຫ້ສຳເລັດ ແລະ ມີ ປະສິດທິພາບ ເພື່ອປະກອບ ສ່ວນເຂົ້າໃນການຈັດຕັ້ງປະຕິ ບັດວິໄສທັດປະຊາຄົມອາຊຽນ 2025. ໃນໂອກາດກອງປະຊຸມ ຄັ້ງນີ້, ພະນະທ່ານນາຍົກ ທອງ ລຸນ ສີສຸລິດ ໄດ້ສະແດງຄວາມ ຂອບໃຈຕໍ່ບັນດາຜູ້ນຳອາຊຽນ ທີ່ໄດ້ໃຫ້ການສະໜັບສະໜູນ ແກ່ການເປັນປະທານອາຊຽນ ຂອງ ສປປ ລາວ ໃນປີ 2016 ຜ່ານມາ ຊຶ່ງໄດ້ຮັບຜົນສຳເລັດ ຢ່າງຈົບງາມ ແລະ ຢ້ຳເຖິງ ການຈັດຕັ້ງປະຕິບັດວິໄສທັດ ປະຊາຄົມອາຊຽນ 2025 ໂດຍ ສະເພາະການຮັດແຄບຄວາມ ແຕກໂຕນດ້ານການພັດທະນາ ແລະ ການເຊື່ອມຈອດອາຊຽນ ໂດຍຜ່ານການຈັດຕັ້ງປະຕິບັດ ແຜນວຽກຂໍ້ລິເລີ່ມ ເພື່ອການ ເຊື່ອມໂຍງອາຊຽນ ສະບັບທີ 3 ແລະ ຈັດຕັ້ງແຜນແມ່ບົດ ເພື່ອການເຊື່ອມຈອດອາຊຽນ 2025. ພະນະທ່ານ ທອງລຸນ ສີສຸລິດ ຍັງໄດ້ແຈ້ງຕື່ມວ່າ: ເພື່ອປະກອບສ່ວນເຂົ້າໃນການ ຮ່ວມມືແກ້ໄຂບັນຫາການຄ້າ ມະນຸດ, ສປປ ລາວ ໄດ້ໃຫ້ສັດ ຕະຍາບັນສົນທິສັນຍາອາຊຽນ ວ່າດ້ວຍການຕ້ານການຄ້າມະ ນຸດ ໂດຍສະເພາະແມ່ຍິງ ແລະ ເດັກນ້ອຍ. ໃນຕອນບ່າຍຂອງວັນ ດຽວກັນ, ພະນະທ່ານນາຍົກ ລັດຖະມົນຕີ ທອງລຸນ ສີສຸລິດ ກໍສືບຕໍ່ເຂົ້າຮ່ວມກອງປະຊຸມ ສຸດຍອດອາຊຽນແບບວົງແຄບ ຊຶ່ງບັນດາຜູ້ນຳອາຊຽນ ໄດ້ ແລກປ່ຽນຄຳຄິດຄຳເຫັນກ່ຽວ ກັບການຮ່ວມມືອາຊຽນກັບ ພາຍນອກ ແລະ ບັນຫາພາກ ພື້ນ ແລະ ສາກົນ ທີ່ມີຄວາມ ສົນໃຈຮ່ວມກັນ ເປັນຕົ້ນແມ່ນ ຢູ່ຕາເວັນອອກກາງ, ແຫຼມເກົາ ຫຼີ, ການກໍ່ການຮ້າຍ, ວິກິດ ການຊາວອົບພະຍົບ, ທະເລ ຈີນໃຕ້ ແລະ ອື່ນໆ. ພາຍຫຼັງການເຂົ້າຮ່ວມ ກອງປະຊຸມສຸດຍອດອາຊຽນ ແບບວົງແຄບ, ພະນະທ່ານນາ ຍົກລັດຖະມົນຕີ ທອງລຸນ ສີສຸລິດ ກໍສືບຕໍ່ເຂົ້າຮ່ວມກອງ ປະຊຸມພົບປະລະຫວ່າງຜູ້ນຳ ອາຊຽນກັບຕາງໜ້າສະມັດຊາ ລະຫວ່າງລັດຖະສະພາອາ ຊຽນ ແລະ ກອງປະຊຸມພົບປະ ລະຫວ່າງຜູ້ນຳອາຊຽນກັບຕາງ ໜ້າຊາວໜຸ່ມອາຊຽນ. ພ້ອມນີ້ ພະນະທ່ານ ທອງລຸນ ສີສຸລິດ ຮ່ວມກັບບັນ ດາຜູ້ນຳອາຊຽນ ໄດ້ລົງນາມໃນ ຖະແຫຼງການຂອງຜູ້ນຳອາຊຽນ ວ່າດ້ວຍບົດບາດຂອງລັດຖະ ກອນໃນການສົ່ງເສີມການບັນ ລຸວິໄສທັດປະຊາຄົມອາຊຽນ 2025. ໃນວັນດຽວກັນ, ພະນະ ທ່ານນາຍົກ ທອງລຸນ ສີສຸລິດ ກໍໄດ້ພົບປະສອງຝ່າຍກັບພະ ນະທ່ານ ໂຣດຣິໂກ ດູເຕີເຕ ເພື່ອປຶກສາຫາລືກ່ຽວກັບການ ສົ່ງເສີມການຮ່ວມມືສອງຝ່າຍ ລາວ-ຟີລິບປິນ ໃນຊຸມປີຕໍ່ໜ້າ ແລະ ການຮ່ວມມືໃນຂອບອາ ຊຽນ.

Cr: http://www.pasaxon.org.la

ບົດຄວາມໃຫມ່ໆ