ກອງປະຊຸມສຸດຍອດອາຊຽນຄັ້ງທີ 27 ໄຂຂຶ້ນຢູ່ມະເລເຊຍ

ວັນທີ21ພະຈິກນີ້, ກອງປະຊຸມສຸດຍອດອາຊຽນຄັ້ງທີ27ໄດ້ໄຂຂຶ້ນຢູ່ນະຄອນຫຼວງກົວລາລຳເປີຂອງມະເລເຊຍ. ກອງປະຊຸມຈະປຶກສາຫາລືກ່ຽວກັບບັນຫາຕ່າງໆ, ເຊັ່ນ,ການສ້າງຕັ້ງປະຊາຄົມອາຊຽນໃນທ້າຍປີນີ້, ທິດທາງການພັດທະນາຂອງອາຊຽນໃນ10ປີຕໍ່ໜ້ານີ້, ແລະອື່ນໆ.

ທ່ານນາຈິບ ຕຸນຣາຊັກ, ນາຍົກລັດຖະມົນຕີມະເລເຊຍທີ່ເປັນປະເທດປະທານໝູນວຽນອາຊຽນໄດ້ກ່າວໃນພິທີໄຂກອງປະຊຸມວ່າ, ກອງປະຊຸມສຸດຍອດຄັ້ງນີ້ເປັນເຫດການຄັ້ງປະຫວັດສາດສຳລັບອາຊຽນ,ໃນກອງປະຊຸມຈະປະກາດຢ່າງເປັນທາງການວ່າ, ໃນວັນທີ31ທັນວາປີນີ້ຈະສ້າງຕັ້ງປະຊາຄົມອາຊຽນ. ປະຊາຄົມອາຊຽນມີສາມເສົາຄ້ຳເປັນພື້ນຖານ,ຄື:ປະຊາຄົມຄວາມໝັ້ນຄົງ,ປະຊາຄົມເສດຖະກິດ, ແລະປະຊາຄົມວັດທະນະທຳສັງຄົມ.

ທ່ານນາຈິບກ່າວວ່າ,ນັບແຕ່ການສ້າງຕັ້ງອາຊຽນໃນປີ1967ເປັນຕົ້ນມາ,ອາຊຽນໄດ້ຮັບຜົນສຳເລັດທີ່ໜ້າເພີ່ງພໍໃຈໃນດ້ານຕ່າງໆ. ປີ2014, ຍອດມູນຄ່າGDPຂອງອາຊຽນມີເຖິງ2600ຕື້ໂດລາ;ເຂດການຄ້າເສລີອາຊຽນໄດ້ຫຼຸດພາສີລົງເປັນສູນ,ຫຼືໃກ້ກັບສູນ, ຫຼຸດລາຄາສິນຄ້າຂະໜາດໃຫຍ່, ຫຼຸດຜ່ອນຄວາມຫຍຸ້ງຍາກສຳລັບວິສາຫະກິດຂອງປະເທດໃນພາກພື້ນທີ່ເຂົ້າໄປສູ່ຕະຫຼາດຂອງປະເທດອື່ນ, ແລະອື່ນໆ.